۩۞۩ စောနေသွေး ۩۞۩. Powered by Blogger.

မနှင်းဆီ ငိုရသော နေ့


နေ့ထဲ
ဘယ်လို နေနေရလဲ
နေပူလွန်းတော့ နေရတာက သိပ်အသက်မ၀င်သလို
သဘာဝ ရေ မြေ ဘေးအန္တရာယ်
ကြားရတဲ့ ငလျင်သတင်းတွေ
စိတ်ကျအား ပြင်းပြင်းပူးဝင်လာတိုင်း
အပျင်းပြေ ဆိုတဲ့ စကားလုံးကို မုန်းတတ်ခဲ့တာ
ဒီလိုနဲ့ တစ်ချိန်လုံးနီးနီး ကွန်ပျူတာရှေ့မှာ ငုတ်တုတ်
ဟိုလုပ် သည်လုပ် ဘာမှတော့ မဟုတ်ပြန်ဘူး
အပြင်ထွက်ဖို့လည်း စိတ်ကူးလို့ မရသလို
ညောင်းလာရင် စာအုပ်တွေဆွဲဖတ်
ကဗျာအကြောင်း ဖိုတိုရှော့အကြောင်း ဒီဇိုင်းအကြောင်း
ပြီးပြန်တော့ ပြန်လေ့လာ ပြန်လေ့ကျင့်
စိတ်ကူးထဲ ရှိသမျှ လျှောက်လုပ် လျှောက်စမ်းသပ်
ဘာမှတော့ မဟုတ်ပြန်ပါဘူး
ဒီလိုနဲ့ တစ်နေ့တာ ကုန်သွားလိုက်တာ
နေ့ရက်တွေ ဘယ်လောက်ကုန်ကုန်သွားပြီ မသိ
ဒါ ကဗျာ မဟုတ်ဘူးနော နော နိုး
စိတ်ကူးပေါက်သလို လုပ်ကြည့်ထားတဲ့ ပုံလေးတစ်ပုံ
စိတ်ကူးပေါက်သလောက် ကြည့်ပေး
က ဗျာ မေ ရး ဖြ စ် ဘူး ဆို တာ
အရိုးထဲအထိ ကြားအောင် ကိုယ့်ကိုယ်ကိုယ်
ပြောနေတယ် မျောနေတယ်
ကဗျာတွေကတော့ စိတ်နဲ့ ကိုယ်ရဲ့ အဝေးဆီ
သူစိမ်းဆန်ဆန် ပြေးနေဆဲ
လိုက်ဖမ်းလိုက်တိုင်း လွတ်နေဆဲ လစ်ဟာနေဆဲ
မနှင်းဆီ ငိုရသော နေ့ဟာ
တနင်္ဂနွေ တနင်္လာ အင်္ဂါ
ဗုဒ္ဓဟူး ကြာသပတေး သောကြာ
စနေ တစ်နေ့နေ့ ဘယ်နေ့လဲ မသိ
နေပူလွန်းတော့ နေ့ထဲ
ဘယ်လို နေနေရလဲ။ ။



ဆူးရင့်

  • Digg
  • Del.icio.us
  • StumbleUpon
  • Reddit
  • RSS

ဖတ်ခွင့် မရှိတဲ့ ကဗျာ





ချည်နှောင်ပြီး အမိန့်ပေးလို့ မရတော့
စိတ်ဟာ အရိုင်းဆန်ဆန် လွမ်းတတ်ခဲ့တယ်
အနှောင့်အသွား မလွတ်တဲ့ သဘာဝတွေ ကွေ့ကောက်
သက်သက် အခွံသက်သက် လူစီးကြောင်းထဲ ဆွံ့အ
ကိန်းဂဏန်းမဲ့ ဖြစ်စဉ်အစိုင်အခဲက အသိတွေ 

ပိုပြီးလေးနက်လွန်းပါသတဲ့
ဘ၀လား ဘာကိုမှ မျှော်လင့်ခွင့်မရှိအောင် ထွန်းကားဆဲ
တစ်ဖက်က တစ်စုံတစ်ရာဟာ သိမ်မွေ့လွန်း နူးညံ့လွန်း မပွင့်လင်းလွန်း
ချစ်သူကို ရင်ကော့ပြီး ရင်ဆိုင်နေရတဲ့ ဇာတ်သိမ်းမှာ
ဧဒင်ဥယျာဉ်ကြီးအကြောင်း အသံမထွက်ဖြစ်အောင် နှုတ်ဆိတ်နေပါ
လိပ်ပြာသန့်ဖို့အတွက် စိတ်ပြာပြာကို 

အချက်ပေါင်းများစွာ ရိုက်နှက်ဆုံးမမရ
တစ်ဖက်က တစ်စုံတစ်ယောက်ရဲ့ အစစအရာရာဟာ
တစ်ဖက် တစ်စုံတစ်ယောက်က အစ အဆုံးဖြစ်ချင်တဲ့ လေးနက်မှု 
တစ်ဖက်က တစ်စုံတစ်ယောက်ရဲ့အခက်အခဲဟာ
တစ်ဖက် တစ်စုံယောက်က အစ အဆုံးရှုံးချင်တဲ့ ပေးဆပ်မှု
ကမ္ဘာတစ်ခုလုံးမျိုချပြီး အိပ်မက် မက်ချင်မက်မယ်
အစိမ်းရောင်မပါတဲ့ မီးပွိုင့်ပျက်တစ်ခုမှာ
တစ်စုံတစ်ရာ တစ်စုံတစ်ယောက်နဲ့ ထပ်တူ
ရပ်/တန့်/တိတ်/ဆိတ်သွားခဲ့
သိမ်မွေ့လွန်း နူးညံ့လွန်း မပြတ်သားလွန်းတဲ့
တစ်ဖက်က တစ်စုံတစ်ယောက် တစ်စုံတစ်ရာဆိုတာ
ဘယ်တော့မှ ဖတ်ခွင့်မရတဲ့ အဖြူရောင်ကဗျာတစ်ပုဒ်ရဲ့

ညှို့ငင်သောချစ်မေတ္တာအစစ်။ ။







ဆူးရင့်

  • Digg
  • Del.icio.us
  • StumbleUpon
  • Reddit
  • RSS