လမ်းခွဲတဲ့ အရသာတွေက ခါးသက်လို့
အတိတ်ထဲကိုလဲ ပြေးမ၀င်ချင်ဘူး
ပျော်ရွှင်မှုတွေ ကို ၀ါးမျိုတတ်လို့
သံယောဇဉ်ကြိုးတွေနဲ့ ပစ္စုပ္ပန်မှာ မြဲမြဲချည်
အတူရှိတဲ့ အချိန်တွေကို တိုးအပ်လို့
ပစ္စုပ္ပန် အကျဉ်းသားလေး ဖြစ်ချင်တယ်.။
။................။
အလင်းဖြင့်ရှင်သန်ခြင်း
နှမ ယသော်
အပျော်တပိုက် အမိုက်တိုက်နှင့်
ငါးစုံကာမ ကိလေသကို
ပယ်ခွာဆိုက်မြန်း အမြိုက်နန်းသို့
လျှောက်လှမ်းငါ့မှာ
သံသရာ ကျွတ်ခမ်း
ချမ်းသာလမ်းတည်း။
သင်္ချေလေးခု
ပါရမီစုနှင့်
ဖြည့်စွက်ခဲ့ရာ
နှိုးစက်ပါ၍
သားတော်ရာဟု
တားဖေါ်ပြုလည်း
မျက်ရည်မထွက်
ဗလာလက်ဖြင့်
ကြမ်းတမ်း ခရီးလမ်း
ငါလျှောက်လှမ်းအံ့ ။
သုဒ်ဓောဒနာ အမေမာနှင့်
ဆွေမျိုးညာတိ
ရာထောင်ရှိလည်း
ပျော်သော် မထိုက်
နိမိတ်ပိုက်၍
ဆိုက်ရောက်သည်မှာ
ဤချိန်ခါတည်း။
နှမ ယသော်
အပိုင်းပိုင်းပြတ်
စိတ်ကို ဖြတ်၍
ရမ္ဘ သုဘ သုရမ္ဘနှင့်
စည်းစိမ်အစု ပယ်ခွာပြု၏
ဆန္ဒအမတ် ကဏ္ဍက နှင့်
ရဉ္စနာ မြစ်နီး အမိုက်မီးကို
ပယ်ခွါစွန့်ထုတ်
တရားထုတ်အံ့။
ကိုယ်၏ အကျင့် ကိုယ်တိုင်ကျင့်၍
ပါရမီ ညာဏ်ထူး တရားဦးကို
ပဉ္စ၀ဂ္ဂါ ဟောဖော်ပြသည်
ဓမ္မစက္က မည်တွင်ကြ၏။
လောကမိုက်မှောင်
အလင်းရောင်ကို
ကိုယ်၌ဖြည့်ထား သတ္တ၀ါ အများအား
ထိစေ မြင်စေ ကြားသိစေ ဟု
ဟောဖေါ်ထုတ်ကြား
မြတ်ဘုရားဟု
မျက်စိ နားနှာ သံဝေထားကာ
သစ္စာလေးခု မြွက်ဆိုပြု၏။
နတ်လူသုံးတစ်
အလင်းချစ်၍
အမှောင်မပူး မြိုက်ထူးကိုရှာ
အလင်းကမ္ဘာမှာ အလင်းရှာကြ
အလင်းသားများ
အလင်းစကားဖြင့်
အလင်းတံခါးများဖွင့်လှစ်ခဲ့ပြီ
......
အလင်းတံခါးများပွင့်စေခဲ့ပြီလေ......။
။...........။
(မှတ်ချက် အကယ်၍ အပြစ်ပါသော စကားများပါလျှင် ပြုပြင်ပေးကြရန်)
စောနေသွေး
သမိုင်းတစ်ခု ထုဆစ်ခြင်း
လတ်လတ် ဆတ်ဆတ် အတွေး
လတ်လတ် ဆတ်ဆတ် အရေး
မြေတစ်ခွင်မှာ ဝေဆာလို့
ဇဋာပြင်မှာ ဝေဆာလို့
အာရုံအလန်းတွေ စားသုံး
စကားလုံးတွေကို က ရနံ့သင်းတယ်
အလတ်စား လတ်ဆတ်မှု
ချန်လှပ်မရအောင်
အထားအသို တိကျတယ်
ဘာမထီသား လက်မထောင်တယ်
လူမှု စီးပွား အိမ်ထောင်
ရေးလို့ရသမျှ အရေးတွေ
အဆင်ပြေလို့
အဆင်မပြေလို့
စိတ်ဓာတ်ကျတယ်
စိတ်ဓာတ်ကြွတယ်
ရင်ဆိုင်တယ်
ယှဉ်ပြိုင်တယ်
ဇရာတွေ ပြိုလဲတာ
ပျိုမြစ်ခြင်းရဲ့ နိဂုံးလေ
ပြောပြောဆိုဆို မရဏမြေမှာ
တိတ်ဆိတ်မြေမှာ ပန်းတွေ ဝေလို့
ခ၀ါချလိုက်ပါ
အဏ္ဏ၀ါလောက် ရှိပါစေ
လောဘ ဒေါသ မောဟ
ကွေးမဆန့် ဆန့်မကွေး
ဟောဒီ လက်တွေ
အသံကြားရုံနဲ့ သံဝေဂ ရလိုက်ပါ
ဆိတ်သုဉ်းမယ့် နောက်ဆုံး
နောင်တ မရတဲ့
သမိုင်းတစ်ခု တော့ ထုဆစ်ပါ
နောင်သားတွေ အတွက်
စာမျက်နှာသစ် ဖွင့်လှစ်ခဲ့ပါ
သမိုင်း တစ်ခုရဲ့ စာမျက်နှာမှာ
လှစေ ပစေ ရစေ လို့ပဲပေါ့...။
။................။
စောနေသွေး
ဘယ်မှာ ငါဟု ရှိအံ့နည်း
လောက ဇာတ်ခုံ
ဤလူဘုံ၌
မျိုးစုံကကြ
မျိုးစုံကကြ
မာန်မာန နှင့်
ငါက ရာဇာ
ငါဟာသူဋ္ဌေး
ငါ ပဂေးပါ
ငါသွေးတက်ကြွ
လူ့ဘာလတို့
ဒေသပိုင်းခြား
ကာလ အားဖြင့်
များပြား လှစွာ
အ၀ိဇ္ဇာကြောင့် တဏှာဘီလူး
အမှောင်ပူးသော်
ကျူးကျူးကျော်ကျော်
ဂုဏ်ကိုဖော်၍
မော်မော်မောက်မောက်
ငါတစ်ယောက်သာ
မိုးအောက် တစ်လွား
ရွှေကလား ဟု
ထင်မှား မှတ်လွဲ
သို့စဉ်စွဲလည်း
ဇာတ်ပွဲ ကြီးက
ပြန်ဖို့ချသော်
သုဘရာဇာ
ခြေ အောက်မှာပင်
ဘာသာလူမျိုး
ချိန်မထိုးပဲ
ပုတ်သိုး ခန္ဓာ မြုပ်ရရှာသည်
ဘယ်မှာ ငါဟု ရှိအံ့ နည်း ......။
။.....................။
(မာန်လည် ဆရာတော်)
Subscribe to:
Posts (Atom)