۩۞۩ စောနေသွေး ۩۞۩. Powered by Blogger.

ရင်လွင်ပြင်



ရင်လွင်ပြင်
...........
 ရုံးရင်းဆန်ခပ်

ရက်စက်ယုတ်မာ

ယုံစေသူရာ

ရည်စူးကာ

ရမ်းမျှော်

ရော်ရင်းပျော်ပိုက်

ရင်တသိုက်မှာ အရာထင်

အရင်အထာနဲ့

အရင်ကမ္ဘာက

ရပ်တန့်နေခဲ့

အရောတဝင်

အရာရောက်ခြင်းက

အရေးမပါမှုသက်သက်လား

ရက်တွေကိုရေတွက်ရင်း

ယုံတမ်းနှုတ်ခမ်းပါး

ငါ့ရင်ဘတ်မှာ ဟတ်ထင်

မြင်သမျှ မျှမမြင်

အရင်က ဘဝထွင်မယ်ဆို

ရင်လွင်ပြင်မှာ

ထွန်ယက်စိုက်ပျိုး

ဘယ်မိုးမှမလိုတော့ပါဘူး

အမြစ်ကိုဖြတ်တောက်

မိုးပေါက်တွေသွန်းလောင်း

ရင်ခွင်ဟောင်းမှာမှ

ရှင်သန်ကောင်းတယ်ထင်တာလေ

ပြုသမျှ အယုအယတွေ

အဆမတန် မတန်တူဘူး

မူပြန်တတ်တဲ့ ညနဲ့

တယူသန်တတ်တဲ့ဘဝဟာ

ပေါင်းစပ်မှုရဲ့ရလာဒ်

မညီမျှတဲ့ ညီမျှခြင်းရဟ်ပါ

ခွင်လွတ်ပါတယ်

အပစ်မရှိသူအတွက်

သူတပြန်ကိုယ်တလှည့်

ဝဋ်တည့်တည့်ကျမှာပဲစိုးတယ်

ရင်လွင်ပြင်မှာ

အက်ကြောင်းတွေ ထပ်မစိုက်ပါနဲ့တော့နော်။

  • Digg
  • Del.icio.us
  • StumbleUpon
  • Reddit
  • RSS

0 စာဖတ်သူ အမြင်လေးတွေရေးသားပါ:

Post a Comment