۩۞۩ စောနေသွေး ۩۞۩. Powered by Blogger.

ကျင်နာတတ်သောမဖုရားသို့



အကြောင်းပြချက်တွေပွေ့ပိုက်လို့ 

ငါရင်ဘတ်ပေါ်တက်တက်နင်းတယ်

ဘာကြောင့်လဲ 

ဘာလို့လဲ

စနစ်တကျ ရည်ချတာလား?

လိမ်ညာမှုကိုမုန်းတယ်ဗျ

ကျိန်စာတစ်ခုလိုအခံရခက်တယ်

ထားခဲ့ပါတော့

မောလှပါပြီ တကယ်

ခိုကိုးရာမဲ့ တွယ်တာမှုလေးကို

ခြအကိုက်ခံရတာ

ဟောဒီ ရင်ဘတ်မှာ သွေးအလိမ်းလိမ်းနဲ့ဗျ။

ရင်ဘတ်တိုင်းကို ဘုရင်မှတ်နေလား

အမြင်ကပ်ရင်လဲ 

အစကရှောင်ခဲ့ပေါ့

အမှောင်ကိုထားခဲ့တော့ 

အမောင်က ဘယ်သွားဘယ်သွား

သေအောင်ပြုစားရက်တယ်

ငါ့နှလုံးသားကိုစားတယ် 

ငါအပြုံးများကို ဖားတယ် 

ငါ့နှလုံးသွေးတွေ ဖြာထွက်မှ

မ-ကျေနပ်နိုင်မှာလား

ပြောစမ်းပါ 

ကျောချမ်းစရာ ဇာတ်ကွက်နဲ့

လှည့်ဖြားတဲ့ ကကွက်တွေ 

ငါ့ရင်ဘတ်မှာ ပြည့်နေပြီနော်

ပဒိုင်းသီးကိုကိုင်ခိုင်းသလို

ငိုယိုနေတဲ့ မျက်နှာထားကို နှစ်သက်တာလား

ရှေ့အတွက် 

ငါ့အနာဂတ်ကို ဖျက်စီးတယ် 

မမုန်းရက် အဆုံးခက်တဲ့ဇာတ်

သေအောင်သတ်လိုက်ပါလား 

 မဖုရားရယ်....။ 

  • Digg
  • Del.icio.us
  • StumbleUpon
  • Reddit
  • RSS

0 စာဖတ်သူ အမြင်လေးတွေရေးသားပါ:

Post a Comment