۩۞۩ စောနေသွေး ۩۞۩. Powered by Blogger.

အလည်လွန်လေပြေ



၂-၂-၂၀၀၂ စနေနေ့


အဲဒီနေ့ 

လည်ချောင်းတွေ ပူလောင်တင်းကျပ်


အပူလှိုင်းတွေ တစ်ဆင့်ပြီးတစ်ဆင့်


ကိုယ်ပေါ်ထုတ်ချင်းပြေးလွှား


ခန္ဓာကို ဘယ်လိုစောင့်ကြည့်ရမလဲ


စိတ်ကိုဘယ်နေရာပို့ရမလဲ  မသိ


အိမ်မက်ဆိုးတွေ မမက်လိုက်ရ


အတိတ်နိမိတ် ကောက်ယူခွင့်မကြုံ


ဒီလောက်ကင်းပြတ်မယ်မထင်ဘူးလေ


နှင်းတွေ မြူတွေ နဲ့ ဖြတ်သန်းချင်ပေမယ့်

တောင်တန်းတစ်ခုလုံး အရိုးတွေကြေပြုံး


တံလျပ်တွေ ထူထူထတဲ့လွင်ပြင်


ဘယ်ဆီကို ဦးတည်ရွက်လွင့်ရမလဲ


ညနေခင်းစစ်စစ်တွေနဲ့ 

သူစိမ်းပြင်ပြင်ဖြစ်ခဲ့ရပြီ


တံခါးခေါက်သံနဲ့ အတူ ဖွင့်ဝင်ချင်ပေမယ့်


အိပ်မှုံစုံဝါး အလင်းကို ဦးညွှတ်ဖို့ 


ညတွေမိုးလင်းခွင့်မရှိတော့ပြီ


ကျတော် ၀မ်းနည်းရတော့မလား မ။ 


လေပြေသင်းတဲ့ အေးမြခြင်းမှာ

အမိမဲ့ငါး ကျွန်တော်


နွဲ့ဆိုးပြင်းပြင်းတွေ ခပ်ယူသုံးစွဲ

ကျွန်တော် နွေရာသီတွေ ပူပြင်းတော့မယ်


အလိုက်တသိနဲ့ ဖန်တီး


အသိတစ်ခုနဲ့  တီးတိုးဝေဖန်


မျက်နှာပျက်ပုံလေး မှ မမြင်ချင်မပြချင်တဲ့   မ


ဒဏ်ရာ အစုတ်အပြတ်တွေ ဖာထေးချုပ်အုပ်


အညစ်အပေအဟောင်းအနွမ်းတွေ လျှော်ဖွတ်


လေပြေတွေခဲက လေပြေက


သိပ်လူသားဆန်လွန်းတဲ့    မ

ဘာကြောင့် အမှန်တရားကို ပြောပြရတာလဲ


ရူးကြမိုက်ကြနဲ့   ဦးတည်ရာမဲ့ခဲ့သမျှ 


မ အရိပ် မှာ အပန်းဖြေရတယ်


တစ်ဦးတစ်မျိုး  ခြောက်မျုိးခြောက်ဘာသာနဲ့ 


တုန့်ပြန်စရာမလိုတဲ့ နားလည်မှုစာမျက်နှာတွေ 


မေတ္တာအဟုန်နဲ့ လှမ်းခဲ့တဲ့ အရိပ်


ခေါင်လွန်းတဲ့ နွေ  တောက်လွန်းတဲ့ နေအောက်မှာ

 ကျွန်တော် 


ခပ်တည်တည် နေချင်သလို နေခဲ့ရတယ်


မျှော်လင့်တာတွေ မျှော်လင့်သလို


မဖြစ်ခဲ့တဲ့ အပြင် 
မမျှော်လင့်တာက ပဉ္စလက်ဆန်ဆန် ဇာတ်ခွင်တည်လို့


သိပ်ပူပန်တတ်တဲ့   ပွင့်ဖတ်လေး တစ်ခု


ညတွေကနက်မှောင် ရှည်ရှားနေလိမ့်မယ်


ပြင်းထန်တဲ့လေပြင်းအောက်မှာ 


သေသေချာချာ စိတ်လျှော့ပြလိုက်သလား


ဒီလိုပြမှ  နားလည်နိုင်မယ်လို့ 


အသေအချာ  ယူဆသွားခဲ့သလား 


ကျွန်တော် မတွေးရဲပါဘူး


နေ့ကိုမျှောကြည့်တော့ နာကြင်မှုတွေက ပေါလော


ဘယ်အချိန်  ကမ်းကိုမြင်ပါတော့မလဲလေ။




  • Digg
  • Del.icio.us
  • StumbleUpon
  • Reddit
  • RSS

0 စာဖတ်သူ အမြင်လေးတွေရေးသားပါ:

Post a Comment